Սա մրցաշրջանի գլխավոր նպատակն էր․ Սանդրո Պերկովիչ

«Նոայի» գլխավոր մարզիչ Սանդրո Պերկովիչը հարցազրույց է տվել խորվաթական մեդիային։

 

«Ամեն ինչ լավ է, դրական արդյունքի հասանք վերջերս, տրամադրությունը հրաշալի է։ Մի քանի օր կանցկացնեմ Զագրեբում և կվերադառնամ աշխատանքի։
 

Երկրպագուները շատ հպարտ էին Լիգայի փուլի ուղեգիր նվաճելու համար։ Ես շատ երջանիկ եմ և հպարտ։ Կարող եմ նշել, որ սա հրաշալի արդյունք է մեր ակումբի և հայկական ֆուտբոլի համար։ Սա առաջին անգամն է, երբ հայկական ակումբը որակավորվում է եվրոպական մրցաշարի հիմնական փուլ երկրորդ տարին անընդմեջ։ Պետք է նշեմ, որ հեշտ ճանապարհ չէր։
 

Այս հաջողությունն ինձ շատ է երջանկացնում։ Սա մրցաշրջանի գլխավոր նպատակն էր։ «Նոան» շատ երիտասարդ ակումբ է՝ 7–8 տարեկան։ Ունի նոր նախագահ, որը մի քանի տարի առաջ է ձեռք բերել ակումբը և իր սեփական միջոցներից է ներդրումներ անում։ Սա սեփական ակումբ է, և ակումբի նախագահը ցանկանում է հասնել մեծ հաջողությունների։ Ես վստահություն ունեմ, որ ապագայում այս ակումբը մեծ նվաճումներ կունենա և կգրի իր անունը ֆուտբոլում։
 

Նախորդ մրցաշրջանում «Նոան» հրաշալի մրցաշրջան է ունեցել՝ հաղթելով Հայաստանի առաջնությունը, Գավաթը և որակավորվելով Կոնֆերենցիաների լիգայի Լիգայի փուլ։ Մենք ցանկանում ենք կրկնել դա։ Առաջին նպատակը որակավորվելն էր եվրոպական որևէ մրցաշարի Լիգայի փուլ։ Մենք գիտեինք, որ ամենաիրական ուղղությունը Կոնֆերենցիաների լիգան է։ Երկրորդ նպատակը առաջնությունում հաղթելն է։ Քանի որ մենք արդեն հասել ենք մեր առաջին նպատակին, այժմ պետք է կենտրոնանանք առաջնության վրա։
 

Համենայն դեպս, Եվրոպայում մենք դեռ ցանկանում ենք ցույց տալ մեզ մեր լավագույն կողմերով։ Որևէ մեկի համար հեշտ չի լինելու մրցել մեզ հետ, և եթե հնարավորություն առաջանա անցնել Կոնֆերենցիաների լիգայի փլեյ-օֆֆ փուլ, մենք հաստատ կփորձենք լինել առաջինը, որը կանի դա»։