«Նոան» ԿԼ–ի Լիգայի փուլում է

Հայաստանի չեմպիոն «Նոան» անցկացրեց ՈՒԵՖԱ–ի Կոնֆերենցիաների լիգայի փլեյ–օֆֆ փուլի պատասխան հանդիպումը, որտեղ մրցեց «Օլիմպիա Լյուբլյանայի» դեմ։

Դիմակայության առաջին խաղում տոնած տպավորիչ 4-1 հաշվով հաղթանակից հետո Սանդրո Պերկովիչի ֆուտբոլիստները հարազատ պատերի ներքո պատրաստ էին հերթական գեղեցիկ երեկոն պարգևել երկրպագուներին։

Օգոստոսի 28-ին Աբովյանի Վահագն Թումասյանի անվան մարզադաշտը կրկին լեփ–լեցուն էր։

Հայաստանի չեմպիոնը դուրս էր եկել խաղադաշտ նույն տրամադրվածությամբ, ինչպես առաջին խաղում էր։ Հանդիպման մեկնարկային ճնշումն իր արդյունքը տվեց առաջին խաղակեսի 13-րդ րոպեին։ Մարին Յակոլիշի ձախ եզրից կատարած սուր փոխանցումից հետո դարապասապահից հետ եկած գնդակը դարպասն ուղարկեց Նոայի այս մրցաշրջանը ամենաարդյունավետ ֆուտբոլիստ Հելդեր Ֆերեյրան։

Ընդամենը 7 րոպե անց մարզադաշտի լուսատախտակին արդեն վառվում էր 2-0 հաշիվը։ Հելդեր Ֆերեյրա–Այաս կոմբինացիան պարզապես անկասելի էր և թիմի բրազիլացի հարձակվողը կրկնապատկեց մեր թիմի առավելությունը։

Երկրորդ խաղակեսում մրցակից թիմը կորցնելու ոչինչ չուներ և փորձեց հետ բերել կորցրածը։ Նախ հյուրերը 11-մետրանոց հարվածով կրճատեցին հաշվի տարբերությունը, իսկ հետո նաև հաշիվը դարձավ 2-2։ Սակայն Նոայի կազմում փոխարինման մտած Հովհաննես Հարությանը ֆանտաստիկ հակագրոհը վերածեց գոլի՝ 3-2:Մեր թիմի նորեկը դարձավ այս խաղի հաղթական և վերջին գոլի հեղինակը։

Ընդհանուր 7-3 հաշվով Նոան առավելության հասավ Սլովենիայի չեմպիոն Օլիմպիայի նկատմամբ և գրանցեց հերթական պատմական արդյունքը  հայկական ֆուտբոլում՝ երկրորդ տարին անընդմեջ որակավորվելով ՈՒԵՖԱ Կոնֆերենցիաների լիգայի լիգայի փուլ։

Հանդիպման ավարտից հետո «Նոայի» գլխավոր մարզիչ Սանդրո Պերկովիչն առաջին հերթին սրտանց շնորհավորեց իր ֆուտբոլիստներին, անձնակազմին և բոլոր այն մարդկանց, որոնք ընդգրկված են ակումբում: Նաև շնորհակակալություն հայտնեց Բոլոր երկրպագուներին, որոնք մարզադաշտում էին, և բոլոր նրանց, որոնք այս ճանապարհին մեր կողքին են եղել։
 

Խորվաթ մասնագետը շեշտեց, որ շատ երջանիկ է Նոայի երկրորդ տարին անընդմեջ Կոնֆրերենցիաների լիգայի լիգայի փուլ որակավորվելու համար, ինչը պատմական է Հայաստանի համար։

Հանդիպման ընթացքում գոլի և գոլային փոխանցման հեղինակ դարձած Հելդեր Ֆերեյրան նշեց, որ Հրաշալի էմոցիաներ է զգում և Շատ երջանիկ է թիմին գոլով և գոլային փոխանցմամբ օգնելու համար, սակայն ընդգծեց, որ ամենակարևորը երկրորդ տարին անընդմեջ Կոնֆերենցիաների լիգայի Լիգայի փուլ որակավորվելն է։
 

Պորտուգալացի ֆուտբոլիստը նաև  շնորհակալություն հայտնեց երկրպագուներին, քանի որ նրանք միշտ աջակցում են։