«Նոա–2»-ը գոլառատ խաղում հաղթեց «Արարատ–2»-ին

Օգոստոսի 29-ին «Նոա» ֆուտբոլային ակադեմիայում տեղի ունեցավ Առաջին խմբի առաջնության 5-րդ տուրի «Նոա-2» - «Արարատ-2» հանդիպումը։

Թիմերի միջև խաղը բավականին գոլառատ ստացվեց, որն ավարտվեց «Նոա-2»-ի առավելությամբ՝ 5:3 հաշվով։

Մեր թիմի կազմում հեթ-տրիկի հեղինակ դարձավ Ֆոֆանա Բիլալը, մեկական անգամ էլ աչքի ընկան Զավեն Խուդավերդյանը և Արմեն Խանջյանը։

Այս հանդիպումից հետո մեր երկրորդ թիմը վաստակած 5 միավորով բարձրացավ մրցաշարային աղյուսակի 11-րդ հորիզոնական։

Հաջորդ հանդիպումը Պաուլո Լեիտաոյի սաները կանցկացնեն սեպտեմբերի 2-ին՝ հյուրընկալվելով «Արարատի Արաքսին»։