Երբեք չենք դադարելու երազել, աշխատել, ուժեղանալ․ Վարդգես Վարդանյան

Հայաստանի չեմպիոն «Նոան» անցկացրեց ՈՒԵՖԱ–ի Կոնֆերենցիաների լիգայի փլեյ–օֆֆ փուլի պատասխան հանդիպումը, որտեղ մրցեց «Օլիմպիա Լյուբլյանայի» դեմ։
 

Հանդիպումն ավարտվեց 3-2 հաշվով՝ օգուտ «Նոայի»։ Ընդհանուր 7-3 հաշվով առավելության հասնելով Սլովենիայի չեմպիոն «Օլիմպիայի» նկատմամբ՝ «Նոան» երկրորդ տարին անընդմեջ որակավորվեց ՈՒԵՖԱ–ի Կոնֆերենցիաների լիգայի լիգայի փուլ։
 

Այդ առիթով «Նոայի» նախագահ Վարդգես Վարդանյանը կիսվել է իր տպավորություններով՝ անցած ուղու և դժվարությունների մասին։
 

«Առաջին հայկական ակումբը, որը երկրորդ անգամ կխաղա ՈՒԵՖԱ մրցաշարի հիմնական փուլում։ Շնորհակալ ենք յուրաքանչյուրիդ, որ մեզ հետ եք այս բարդ ճանապարհին։ Երբեք կանգ չենք առնելու, երբեք չենք դադարելու երազել, աշխատել, ուժեղանալ՝ հանուն մեր ակումբի, հանուն մեր նպատակների, հանուն «Նոայի» մարզաշապիկի կրծքի դրոշի, հանուն Հայաստանի։ Առաջ «Նոա», առաջ», – նշել է Հայաստանի գործող չեմպիոնի նախագահը։
 

Հիշեցնենք, որ օգոստոսի 29-ին Մոնակոյում տեղի ունեցավ ՈՒԵՖԱ–ի Կոնֆերենցիաների լիգայի լիգայի փուլի վիճակահանությունը։
 

«Նոային» բաժին ընկան հետևյալ մրցակիցները․
 

Տանը «Նոան» կհանդիպի լեհական «Լեգիային», խորվաթական «Ռիեկային» և չեխական «Սիգմա Օլոմոուցին»։
 

Հյուր թիմի կարգավիճակով «Նոան» կհանդիպի ուկրաինական «Դինամո Կիևին», շոտլանդական «Աբերդինին» և ռումինական «Ունիվերսիտատեա Կրայովային»։